– Ծրագրի նկարագրություն
ԵՄ «Տեղացի դերակատարների զորեղացում հանուն զարգացման Լոռու և Տավուշի մարզերում» ծրագիրը ֆինանսավորված է Եվրոպական միության կողմից և իրականացվում է ՄԱԿ-ի Զարգացման ծրագրի կողմից՝ ՄԱԿ-ի Պարենի և գյուղատնեսության կազմակերպության գործընկերությամբ, ինչպես նաև ՀՀ տարածքային կառավարման և ենթակառուցվածքների նախարության հետ սերտ համագործակցությամբ։ Ծրագիրն օգնում է Լոռու և Տավուշի մարզային բնակչությանը` տղամարդկանց, կանանց, երիտասարդներին, տարեցներին և քաղաքացիական խմբերին, ներառյալ փոքրամասնություններին, ակտիվ դերակատարում ունենալ ներառական, ճկուն և կայուն տեղական զարգացման մեջ, որի նպատակն է մշակել տարածքային զարգացման մոդելներ՝ քաղաքացիներին ներգրավելով զարգացման օրակարգի ձևավորման, որոշումների կայացման և իրականացման գործընթացներում:
– Նպատակներ
- Համախմբել, կարողություններով օժտել և խթանել տեղի շահակիցներին, որպեսզի նրանք համայնքի կարիքների վրա հիմնված ռազմավարություններ մշակեն Լոռու և Տավուշի մարզերում։
- Աջակցող ենթակառուցվածք ձևավորել՝ Լոռու և Տավուշի մարզերում տեղական մակարդակում մշակվող նախաձեռնություններն ու առաջնահերթ ճանաչելու,իրագործելու և հարատևելի դարձնելու համար։
- Բարելավել համապատասխան նախարարությունների և այլ մարմինների կարողությունները և մշակել պետական քաղաքականության մեխանիզմներ՝ Հայաստանում LEADER մոտեցման հաջող փորձարկելու և հարատևելի դարձնելու նպատակով:
– Ծրագրի առաքելությունը
Ծրագիրն աջակցում է Լոռու և Տավուշի մարզերի բնակչությանն ակտիվ դերակատարում ունենալ ներառական, ճկուն և կայուն տեղական զարգացման գործընթացում՝ բնակիչներին ընդգրկելով զարգացման օրակարգերի մշակման, որոշումների կայացման և իրականացման միջոցառումներում։
– Ակնկալվող արդյունքներ
Ծրագրի արդյունքում ակնկալվում է ստեղծել թվով 5 տեղական ակտիվ խմբեր (ՏԱԽ-/LAG) և տարածքային զարգացման ռազմավարական թվով 5 ծրագրեր: Բացի այդ, ծրագրում կներգրավվեն և հմտություններ կստանան շուրջ 1000 տեղաբնակ՝ տեղական զարգացմանը ակտիվորեն նպաստելու համար։ Մարզային և կենտրոնական կառավարման մարմինների թվով 70 ներկայացուցիչներ կբարելավեն իրենց հմտությունները։ Ծրագրի ընթացքում կֆինանսավորվեն 150 տեղական նախաձեռնություններ:
Քովիդի համավարակի հետվերականգնողական միջոցառումների շրջանակներում 160 ընկերություն կստանա աջակցություն , կստեղծվի 200 նոր աշխատատեղ, աջակցություն կստանան թվով 300 անհատներ և շուրջ 3000 տեղացի բնակիչ։
– Որոշ արդյունքներ
- Իրականացվել է ուսումնասիրություն իրավական դաշտի և ՏԱԽ-ի գործընկերության մոդելի վերաբերյալ
- Լոռու և Տավուշի մարզերի 9 կլաստերներում իրականացվել են իրազեկման արշավներ՝ ընդգրկելով ավելի քան 150 բնակավայրեր.
- Ստեղծվել են ազգային, միջազգային և տեղական շահագրգիռ կողմերի քարտեզներ
- իրականացվել է հատուկ դասընթաց համայնքային քոուչերի համար, և գործընկեր կազմակերպության հետ պայմանագիր է կնքվել համայնքային քոուչի ծառայություններ մատուցելու համար
- COVID19-ի և ճգնաժամի մեղմացման միջոցառումների շրջանակում, ներառյալ Վահագնի համայնքի կարտոֆիլագործներին աջակցությունը, տեղահանված կանանց կարի մեքենաների տրամադրումը, հացաբուլկեղենի սարքավորումների, խելացի գոմերի տրամադրման ընտրության գործընթացը, բանջարեղենի արտադրության խորհրդատվությունները և թեժ գիծը, ՖՎ համակարգի տեղադրումը շարունակվում է։
- A-DAMS համակարգի առաջին փուլն ավարտվել է՝ սպասելով կառավարության հետագա պարտավորություններին:
Ծրագրի տևողությունը- Հոկտեմբեր 2020 – Հոկտեմբեր 2024 (48 ամիս)
Գործունեության տարածք – Լոռու և Տավուշի մարզեր , Հայաստան
Իրականացնող գործընկեր – ՄԱԶԾ, ՊԳԿ