Ծրագրի գործընկեր՝ Դիլիջան բազմաբնակավայր համայնքի համայնքապետարան
Իրականացման վայր՝ Դիլիջան խոշորացված համայնք
Իրականացման ժամկետ՝ մայիս 10-հուլիս 31, 2021 թ․
Ծրագրի նպատակը․ Բարձրացնել Դիլիջան բազմաբնակավայր համայնքի համայնքապետարանի և նրա ենթակա կառույցների թափանցիկ և հաշվետվողական աշխատելու աստիճանը՝ օնլայն գործիքակազմի կիրառման ուսուցման և կարողությունների, ինչպես նաև գործունեության ռազմավարությունների բարելավման միջոցով։
Թիրախ խմբերը․ Դիլիջանի համայնքապետարան և ենթակա կառույցներ, ՀԿ-ներ, բնակչություն։
Ծրագրով նախատեսված հիմնական գործողությունները․
- Ծրագրի բացում. Դիլիջանի համայնքապետարանի պաշտոնական կայքում համապատասխան գործիքակազմի ներդրման աշխատանքների իրականացում։
- 4-օրյա դասընթաց «Ռազմավարական պլանավորում» թեմայով 6 կառույցների 12 աշխատակիցների համար
- Ռազմավարական 6 պլանների կազմում՝ համայնքի 5-ամյա Զարգացման ծրագրի նպատակներին և խնդիրներին համապատասխան և ներկայացում համայնքապատկան կառույցների կողմից։
- 1 սեմինար համայնքապատկան կատույցների 12 աշխատակիցների հետ՝ օնլայն գործիքից օգտվելու վերաբերյալ։ Մեկական աշխատակցի ընտրություն՝ կայքում պարբերաբար տեղեկատվություն տեղադրելու նպատակով։
- 6 սեմինարներ 6 համայնքներում 120 հոգու համար՝ համայնքապետարանի պաշտոնկանա կայքի հնարավորություններից օգտվելու կարողությունների զարգացման համար։
- Ծրագրի ավարտ և արդյունքների ներկայացում։ Ծրագրի իրազեկում ԶԼՄ-երով և սոցիալական ցանցերում։
Ակնկալվող արդյունքներ․
Արդյունք 1․ Համայնքապատկան հաստատությունները ունեն կարողություններ ռազմավարական ծրագիր կազմելու և համայնքի 5-ամյա զարգացման ծրագրին այն համապատասխանեցնելու նպատակով։ Բարելավվել են հաստատությունների գործողությունների պլանները։
Արդյունք 2․ Համայնքի բյուջեյով համայնքապատկան հաստատությունների կողմից պլանավորած նախաձեռնությունների/գործողությունների ժամանակացույցերը, անցկացման մասին տեղեկատվությունը հասանելի է բնակչության համար՝ համայնքի պաշտոնական կայքում համապատասխան գործիքի միջոցով պարբերաբար տեղադրման միջոցով՝ ապահովելով առավելագույն թափանցիկություն և հաշվետվողականություն։
Արդյունք 3․ Համայնքի բնակավայրերի բնակիչները տեղեկացված են Դիլիջան խոշորացված համայնքի համայնքապետարանի պաշտոնական կայքի միջոցով դիմումներ, առաջարկություններ փոխանցելու, կայքի այլ հաղորդակցման գործիքների միջոցով իշխանությունների հետ անմիջական հաղորդակցվելու մեխանիզմների մասին՝ Քովիդ-19-ի պայմաններում հնարավորինս առցանց շփումներ ապահովելու համար։
«Հաշվետու համայնք` իրազեկ բնակիչ» գործընկերային ծրագիրն իրականացվում է «Դիլիջանի երիտասարդերի համագործակցության կենտրոն» ՀԿ-ի կողմից՝ «Նորարարություն փոփոխության համար-Հայաստան/ I4C-Armenia» ծրագրի շրջանակում, որը ՀՀ-ում իրականացնում է «Գործընկերություն և ուսուցում» ՀԿ-ն, որը ֆինանսավորվում է TIDES կենտրոնի և ԱՄՆ ՄԶԳ-ի կողմից:
«I4C-Armenia» ծրագրի նպատակն է խթանել համայնքներում քաղաքացիների ակտիվությունը և ներգրավվածությունը՝ ներդնելով ՏԻՄ-երի և քաղհասարակության կազմակերպությունների հաշվետվողականության համակարգեր:
Ծրագրի մեկնարկային միջոցառման նկարներ
«Տավուշ» հեռուստաընկերության անդրադարձը՝ «Հաշվետու համայնք, իրազեկ բնակիչ» եռամսյա ծրագրի ադյունքների ամփոփման միջոցառմանը