«Գովելի է քաղաքացիական հասարակության կազմակերպության հետաքրքրվածությունը և գործուն քայլերը քաղաքային պլանավորման և քաղաքաշինության ոլորտում։ Դիլիջանի նման դինամիկ զարգացող քաղաքում առաջնային է մասնակցային պլանավորումը և մասնակցային մշակույթի ներդրումը» – ՏԻՄ ներկայացուցիչ
Այսօր՝ հուլիսի 20-ին, Դիլիջանի Հովհաննես Շարամբեյանի անվան գեղարվեստի դպրոցում իրականացավ «Քաղաքային պլանավորման հեռանկարները Դիլիջանում» ծրագրի փակման միջոցառումը։ Միջոցառման սկզբում ԴԵՀԿ ՀԿ հիմնադիր նախագահ Արթուր Ղազարյանը ներկայացրեց ծրագրի մտահաղացման պատմությունը և հիմնական արդյունքները։
Ծրագրի շրջանակներում իրականացված հետազոտական բաղադրիչների ներկայացման համար կազմակերպվել էր պանելային քննարկում։
Քննարկման խոսնակներն էին՝7մեդիահարթակի համահիմնադիրներ՝ Գայանե Միզորյանը և Անահիտ Մինասյանը, ճարտարապետ-հետազոտող՝ ԱՆնա Խաչատրյանը, սոցիոլոգ՝ Շուշանիկ Հարությունյանը և ՏԻՄ փորձագետ Արշավիր Ղուկասյանը: Քննարկումը մոդերացրեց Վահագն Զաքարյանը:
Քննարկման ընթացքում ներկայացվել են՝ սոցիոլոգիական, ուրբանիստական – քաղաքաշինական, լրագրողական հետազոտությունների և «Դիլիջան համայնքի ղեկավարին կից հասարակական հիմունքներով գորող ներդրումների խրախուսման և քաղաքաշինության» խորհհրդի մոնիթորինգի արդյունքները։
Ծրագրի փակման միջոցառմանը մասնակցել են քաղաքաշինության ոլորտի փորձագետներ, տեղի հասրակական կազմակերպությունների ներկայացուցիչներ, Դիլիջան համայնքի համայնքապետարանի աշխատակազմի ներկայացուցիչներ, ՀՈԱԿ աշխատակիցներ և բնակիչներ։
Ծրագիրն իրականացվում է «Դիլիջանի երիտասարդների համագործակցության կենտրոն» ՀԿ-ի կողմից «Ուրբանիստա» հարթակի գործընկերությամբ` «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակներում։
