Աշխատանքային փորձառության հնարավորություն Սլովակիայում

INVEsT in You – աշխատանքային փորձառություն անցնելու հնարավորություն հայ ուսանողների համար Սլովակիայում

Սիրելի երիտասարդներ, ուրախ ենք տեղեկացնել «INVEsT in You» միջազգային աշխատանքային պրակտիկայի բաղադրիչի մեկնարկի մասին, որը կոչված է խթանելու և հեշտացնելու Կենտրոնական Եվրոպայում հայ, վրացի և մոլդովացի  ուսանողների մասնագիտական ​​կրթությունը: Այս նախաձեռնությունը ուղղված է Եվրամիության և Արևելյան գործընկերության երկրներում մասնագիտական ​​կրթության և ուսուցման (ՄԿՈՒ) ոլորտի շահագրգիռ կողմերի համագործակցության ընդլայնմանը:

Սիրով հրավիրում ենք հետաքրքրված այն երիտասարդներին, ովքեր այս պահին ստանում են կամ արդեն ավարտել են ՄԿՈւ իրենց կրթությունը։

Սա եզակի և հետաքրքիր հնարավորություն է, որն իր առանցքային դերը կունենա Ձեր անձնական ու մասնագիտական զարգացման ընթացքում։

Եթե հետաքրքրված եք, շարունակել ծանոթանալ մանրամասներին։ 

Ծրագրի մանրամասները.

Տևողությունը՝ 20 հուլիսի – 08 հոկտեմբերի 2024 (79 օր)
Գտնվելու վայրը՝ Kráľovský Chlmec, Սլովակիա
Կազմակերպիչներ՝ Դիլիջանի երիտասարդների համագործակցության կենտրոն ՀԿ և Իգնիս Պլյուս՝ Եվրոպական հանձնաժողովի աջակցությամբ
Մասնակիցներ՝ Ծրագրին կարող են մասնակցել 16-20 տարեկան ՄԿՈՒ ուսանողներ 

Պրակտիկայի նպատակները. ակնկալվում է, որ մասնակիցները ձեռք կբերեն նոր գիտելիքներ ու հմտություններ, ինչպիսիք են․

• Հմտությունների կատարելագործում. գործնական փորձի ձեռք բերում և գործնական հմտությունների կատարելագործում իրական միջավայրում:
• Միջմշակութային փոխանակում. տարբեր մշակույթների և աշխատանքային միջավայրի բացահայտում՝ ընդլայնելով անձնական և մասնագիտական ​​հեռանկարները:
• Օտար լեզբի բարելավում. Լեզվական հմտությունների բարելավում իրական շփման միջոցով:
• Կապերի հաստատում. Միջազգային ​​կապերի և հարաբերությունների ստեղծում, որոնք կարող են արժեքավոր լինել ապագա կարիերայի հնարավորությունների համար:
• Հարմարվողականություն. Հարմարվել նոր միջավայրերին և մարտահրավերներին՝ նպաստելով անձնական աճին և ճկունությանը:
• Մրցակցային առավելություն. ընդլայնել աշխատունակությունը միջազգային փորձի շնորհիվ՝ ուսանողներին դարձնելով ավելի փորձառու ապագա գործատուների համար:

Ակնկալվող ուսումնական արդյունքները.

– Բարելավված տեխնիկական հմտություններ, որոնք հատուկ են իրենց մասնագիտական ​​ոլորտին
– Միջմշակութային իրավասություն և արդյունավետ աշխատանք տարբեր մշակութային միջավայրերում
– Բարելավված լեզվի իմացություն
– Խնդիրներ լուծելու առաջադեմ կարողություններ իրական աշխարհի մարտահրավերների միջոցով
– Պրոֆեսիոնալ ցանցեր և արդյունաբերական կապեր
– Անձնական աճ, վստահություն և կարիերայի հնարավորությունների ավելի լայն հեռանկար
– Աշխատանքի տեղավորում.

Ուսանողները կտեղակայվեն տարբեր հյուրընկալող ընկերություններում՝ ելնելով իրենց մասնագիտություններից, որոնք ներառում են հետևյալ մասնագիտացումները․

• Մատուցող/մատուցողուհի
• Խոհարար/խոհարարի օգնական
• Այգեգործ
• Բուժքույր
• Ֆիզիոթերապևտ
• Մերսող
• Շինարարի օգնական 
• Ծաղիկների ձևավորող
• Խնամող 
• Ավտոմեխանիկ
• Հրուշակագործ

Աշխատանքային ծանրաբեռնվածություն և նպաստ.
– Աշխատանքային ժամեր՝ օրական առավելագույնը 8 ժամ, շաբաթը 5 օր
– Գրպանի գումար՝ օրական 7 եվրո (նախաճաշը և ընթրիքը տրամադրվում է, ճաշը՝ ուսանողների կողմից)

Տեղավորում
Ուսանողները կմնան Ubytovanie Agát-ում, որտեղ կան ժամանակակից բնակարաններ՝ անվճար Wi-Fi-ով, հարմարավետ կացարան երկտեղանոց, եռակի և չորս տեղանոց սենյակներում, որոնցից յուրաքանչյուրը հագեցած է բոլոր կոմունալ հարմարություններով, մասնավորապես լոգասենյակով,  հեռուստացույցով և խոհանոցով:

Հասարակական տրանսպորտ. մասնակիցները կստանան հասարակական տրանսպորտի ամսական կտրոն ողջ պրակտիկայի ընթացքում:

Ապահովագրություն. մասնակիցները կունենան ամբողջական ճանապարհորդական և առողջության ապահովագրություն: Այսպիսով, եթե աշխատավայրում ինչ-որ բան պատահի, ապահովագրությունը դա նույնպես կփակի: 

Ծրագիրը չի հոգում մասնակիցների անձնական ծախսերը, ինչպիսիք են բջջային կապ, շարժական ինտերնետ, լրացուցիչ քաղցրավենիք և այլն։ 

Աշխատանքային պրակտիկայի ընթացքում ուսանողները պետք է իրենց հետ ունենան հագուստ, որը սովորաբար կրում են աշխատանքի վայրում և բերեն իրենց հետ սրբիչներ։

Շարժունակության ծրագրով հետաքրքրված մասնակիցները պետք է գրանցվեն

 ԱՅՍՏԵՂ

Մենք խրախուսում ենք բոլոր համապատասխան մասնակիցներին օգտվել այս բացսռիկ հնարավորությունից՝ ձեռք բերելու միջազգային փորձ, բարձրացնել իրենց մասնագիտական ​​հմտությունները և ընդլայնել իրենց մշակութային և մասնագիտական ​​հորիզոնները: Ակնկալվում է ակտիվ մասնակցություն և ճշտապահություն ծրագրի ողջ ընթացքում:

Լրացուցիչ տեղեկությունների և թարմացումների համար այցելեք մեր կայք կամ կապվեք մեզ հետ՝ գրելով նամակ info@yccd.am էլ հասցեին կամ ՀԿ-ի Ֆեյսբուքյան էջին: