Համագործակցության հրավեր մենթորների համար
«RECORD – երիտասարդության ձեռնարկատիրական կարողությունների բարձրացում գյուղական համայնքների զարգացման համար» ծրագրի շրջանակներում «Դիլիջանի երիտասարդների հաամգործակցության կենտրոն» հասարակական կազմակերպությունը հայտարարում է Հայաստանից և Վրաստանից անհատ փորձագետների համար մրցույթ առկա և առցանց ձևաչափով մենթորական ծառայություններ մատուցելու։
Ծրագիրը իրականացվում է Հոկտեմբեր-Նոյեմբեր 2021։
Ծառայության անվանումը՝ ձեռնարկատիրական կրթության ներգրավված տեղական մենթոր
Հիմանկան պահանջներ․
- Ոչ ֆորմալ կրթության առնվազն 5 տարվա փորձառություն
- Ձեռնարկատիրական կրթության դասընթացավարության փորրձառություն
- Առկա և առցանց ձևաչափով մենթորության փորձառություն փոքր և միջին խմբերի հետ
- Առցանց կրթական հարթակներում մենթորական աշխատանքների փորձ
- Կրթական ձեռնարկներ և գործիքակազմեր մշակելու փորձառություն
- Գերազանց հաղորդակցության հմտություններ
- Համակարգչային գրագիտություն
- Անգլերենի գրավոր և բանավոր գերազանց իմացություն
Դիմելու կարգը․
Հայտադիմումները անհրաժեշտ է ներկայացնել՝ info@yccd.am էլ հասցեին, վերնագրի տողում նշել ձեռնարկատիրական կրթության գործիքակազմի մշակման հայտ։
Հայտադիմումը պետք է ներառի․
- Հետաքրքրության նամակ
- Հայտատուի կողմից մշակված նյութերը, որը փորձագետը կհամարի հայտի պահանջները բավարարող։
- Հայտատուի ինքնակենսագրականը
Հայտերի ընդունման վերջնաժամկետն է` 24/09/2021:
Ընտրված թեկնածուների հետ կանցկացվի հարցազրույց՝ առցանց կամ առկա ձևաչափով։
Լրացուցիչ հարցերի դեպքում կարող եք կապ հաստատել գրելով՝ info@yccd.am էլ․ հասցեին, կամ զանգահարելով՝ +374 60 65 15 00 հեռախոսահամարով։
«Էրազմուս+» երիտասարդության ոլորտում կարողությունների զարգացման ծրագրի շրջանակներում համաֆինանսավորվող «ՌԵԿՈՐԴ» երկամյա ծրագիրի նպատակն է զարգացնել Արևելյան գործընկերության տարածաշրջանի երիտասարդական կազմակերպությունների կարողությունները ՝ ձեռնարկատիրական կրթության ոլորտում՝ աջակցելով երիտասարդության ոլորտում տեղական ներուժի զարգացմանը: Ծրագիրն իրականացվում է ԵՄ և ԱլԳ տարածաշրջանների չորս կազմակերպություններից կազմված կոնսորցիումը` «Դիլիջանի երիտասարդների համագործակցության կենտրոն» ՀԿ (ծրագրի համակարգող), «Քաղաքացիական նախաձեռնություն» ՀԿ Վրաստան, «Կոնսորցիո Լեոնարդո» Իտալիա և «ՋԷՄՍ» միջազգային կրթական կենտրոն, Չեխիայի Հանրապետություն:
