Հեռուստատեստություն և առցանց մեդիա Դիլիջանում

• Ստեղծել անվճար վեբ-հեռուստատեսային հարթակ, որը լուսաբանելու է տեղական, ազգային և միջազգային զարգացումները՝ շեշտադրելով քաղաքացիական հասարակության կարիքները։

• Զարգացնել մեդիա գրագիտությունը՝ հնարավորություն ընձեռելով տեղացի երիտասարդներին և մասնագետներին ձեռք բերելու ժամանակակից մեդիա հմտություններ։

• Աջակցել գենդերային հավասարությանը՝ ապահովելով կանանց, աղջիկների և խոցելի խմբերի մասնակցությունն ու ներկայացվածությունը։

• Դիմակայել ապատեղեկատվությանը և խտրականությանը՝ պատրաստելով հավաստի և փաստահեն մեդիա բովանդակություն։

• Տարածաշրջանի խնդիրները դարձնել տեսանելի ինչպես Հայաստանի, այնպես էլ միջազգային լսարանի համար, ընդլայնելով համագործակցությունը եվրոպական գործընկերների հետ։

• Հիմնադրել երկարաժամկետ մեդիա կազմակերպություն, որը կշարունակի ծրագրի գործունեությունը և կապահովի մեդիա ոլորտի զարգացումը Հայաստանում։

1. Տեխնիկական ենթակառուցվածքի/ստուդիայի ստեղծում՝ ապահովելով վեբ-հեռուստատեսային ծրագրի հաջող մեկնարկը։

2. Լրագրողական և մեդիա վերապատրաստումներ – տեղացի 15 երիտասարդներ անվճար մասնագիտական դասընթացներ են անցել՝ ձեռք բերելով վիդեոլրագրության (օպերատորական աշխատանք, մոնտաժ) և լրագրության (հետազոտություն, էթիկա, պատմողական հմտություններ) հմտություններ։

3. Մշակութային և կրթական միջոցառումների անցկացում՝ ներառյալ հանրային քննարկումներ, վեբինարներ, աշխատաժողովներ և հանդիպումներ տեղական համայնքի հետ։

4. Մեդիա ՀԿ-ի ստեղծում Հայաստանում, որը կզբաղվի ծրագրի երկարաժամկետ գործունեության ապահովմամբ, լրացուցիչ միջոցներ կհավաքագրի և կընդլայնի հեռարձակման ծավալները։

 Ծրագրի միջոցով մենք ձգտում ենք միավորել մեդիայի, կրթության և քաղաքացիական ակտիվության ուժերը՝ ստեղծելով հարթակ, որտեղ տարբեր համայնքներ կարող են իրենց ձայնը լսելի դարձնել, քննարկել կարևոր հարցեր և ձևավորել ավելի տեղեկացված ու ներգրավված հասարակություն։

Ծրագրի գլխավոր նպատակն ուղղված էր Դիլիջանում կայուն զարգացմանը նպաստող ինքնուրույն մեդիա հարթակի ձևավորմանը։

Արդյունքում ստեղծվել է «Դիլիձայն» հաղոդաշարը՝

• Երկշաբաթյա հաղորդումներ ամսագրային ձևաչափով՝ ներկայացնելով քաղաքի և շրջակա տարածաշրջանի կյանքը, էկոլոգիական ու սոցիալական մարտահրավերները։
• Քաղաքացիական հասարակության ձայնի հարթակ՝ խթանելով բաց քննարկումներ և հնարավոր լուծումներ։
  

  ---

Հարթակն առանձնանում է թեմատիկ բազմազանությամբ՝ ընդգրկելով քաղաքի և մերձակա տարածաշրջանի կայուն զարգացմանը ու համայնքներին առնչվող հարցեր։ Առաջին անգամ Դիլիջանը ձեռք է բերել սեփական մեդիա հարթակ, որը համատեղում է տեղեկատվական հաղորդումներն ու վավերագրական պատմությունները։

«Դիլիձայն»-ը հանդիսանում է տարածաշրջանի մեդիա ոլորտում որակական փոփոխություն՝ միավորելով տեղական պատմությունները, կայուն զարգացման գաղափարները և համայնքի ակտիվ մասնակցությունը։