Ուրախությամբ հայտնում ենք, որ հինգ հայ երիտասարդական աշխատողներ վերջերս մասնակցել են «Sustainable ImPACT 2» վերապատրաստման դասընթացին, որը տեղի է ունեցել Չեխիայում՝ Իզբիցե պոդ Բլանիկեմում, 2024 թվականի օգոստոսի 25-ից սեպտեմբերի 2-ը: Այս փորձը մեր ներկայացուցիչներին զինել է արժեքավոր գիտելիքներով և հմտություններով՝ մեր համայնքներում կանաչ պրակտիկան խթանելու համար:
Ծրագրի մասին
Հիմնվելով 2022 թվականի Sustainable ImPACT նախաձեռնության հաջողության վրա, այս անգամ ևս ծրագիրը կենտրոնացած էր երիտասարդական աշխատանքի զարգացող կարիքների և կայունության վերջին միտումների վրա: Ծրագրի նպատակն է պայքարել գերարտադրության դեմ, և զինել նոր սերնդին կայունության և կանաչ պրակտիկայի վերաբերյալ գործնական գիտելիքներով:
Մեր փորձը
Մեր պատվիրակները մասնակցում էին ծրագրին Բոսնիա և Հերցեգովինայի, Պորտուգալիայի, Ֆրանսիայի, Մոլդովայի, Ռումինիայի և Իտալիայի տարբեր մասնագետների հետ միասին:
Չեխիայից կազմակերպիչ թիմը ցուցաբերեց բացառիկ պրոֆեսիոնալիզմ և կիսվեց շատ կարևոր տեսական և գործնական գիտելիքներով ողջ դասընթացի ընթացքում: Նրանց շնորհիվ մասնակիցները ծանոթացան բիզնես ձեռներեցների հետ՝ ովքեր ստեղծել էին իրենց պրոդուկտները հիմնվելով վերամշակման և կանաչ պրակտիկաների վրա։
Հիմնական եզրակացություններ
Վերապատրաստման ընթացքում մեր երիտասարդ աշխատողները ձեռք բերեցին.
- Խորը գիտելիքներ կայունության և առօրյա կյանքում դրա կարևորության մասին
- Գործնական հմտություններ՝ ռեսուրսների արդյունավետ կառավարման համար
- Երիտասարդական աշխատանքում կանաչ պրակտիկան ինտեգրելու ռազմավարություններ
- Նեթվորքինգի հնարավորություններ՝ Եվրոպայի տարբեր երկրներից համախոհների հետ
Առաջ շարժվելով․
Մեր մասնակիցներն այժմ անհամբեր սպասում են իրենց փորձը և նորաձեռք գիտելիքները Հայաստանի իրենց համայնքների հետ կիսելուն: Նրանք պատրաստ են դառնալ փոփոխությունների առաջնորդներ՝ ոգեշնչելով մյուսներին ընդունել կայուն պրակտիկան և աշխատել ավելի կանաչ ապագայի ուղղությամբ:
Մենք հրավիրում ենք ձեզ միանալ մեզ այս կարևոր առաքելությանը: Հետևեք առաջիկա սեմինարներին, միջոցառումներին և նախաձեռնություններին, որոնք կօգնեն տարածել կայունության ուղերձը ողջ Հայաստանում:
Միասին մենք կարող ենք ստեղծել ավելի կայուն և գիտակից հասարակություն գալիք սերունդների համար:
