ՓՈՐՁԱԳԻՏԱԿԱՆ ԾԱՌԱՅՈւԹՅՈւՆՆԵՐԻ ՄԱՏՈւՑՄԱՆ ՀՐԱՎԵՐ

Եվրոպական միության ֆինանսական աջակցությամբ իրականացվող «ՁԳՏՈՒՄ ավելի լավ ապագայի, համայնքների և քաղաքացիաԿան հասարակության դիմակայություն Հայաստանում» (STRIVE) ծրագրի շրջանակում «Դիլիջանի երիտասարդների համագործակցության կենտրոն» ՀԿ-ը հայտարարում է բաց մրցույթ՝ «Երիտասարդների պոզիտիվ զարգացում» (այսուհետ՝ ԵՊԶ/Positive Youth Development) հայեցակարգի չափիչ տիրույթներից բխող ընթացակարգերի/ուղղորդիչ փաստաթղթերի մշակման նպատակով փորձագետ կամ փորձագիտական խումբ ներգրավվելու համար։

ՓՈՐՁԱԳԻՏԱԿԱՆ ԾԱՌԱՅՈւԹՅՈւՆՆԵՐԻ ՄԱՏՈւՑՄԱՆ ՀՐԱՎԵՐ

ԲԱՑ ՄՐՑՈԻՅԹ

Ծառայության անվանում՝ «Երիտասարդների պոզիտիվ զարգացում» (ԵՊԶ) հայեցակարգի չափիչ տիրույթներին համապատասխան ընթացակարգերի/ուղղորդիչ փաստաթղթերի մշակում»
Ծառայության իրականացման վայրը՝ Դիլիջան խոշորացված համայնք, Տավուշի մարզ (հիմնականում հեռավար աշխատանք)
Ծառայության ժամանակը՝ 2024թ․ մարտ -2024 թ․հունիս (4 ամիս)
Դիմելու վերջնաժամկետը՝ 07-ը մարտի, 2024 թ․
«Դիլիջանի երիտասարդների համագործակցության կենտրոն» ՀԿ-ը փնտրում է փորձագետ կամ փորձագիտական խումբ՝ «Երիտասարդների պոզիտիվ զարգացում» (ԵՊԶ) հայեցակարգի չափիչ տիրույթների համապատասխան ընթացակարգերի/ուղղորդիչ փաստաթղթերի մշակման նպատակով։

Ծառայության նպատակը․
Փորձագետը/փորձագիտական խումբը պետք է մշակի «Երիտասարդների պոզիտիվ զարգացում» (ԵՊԶ) հայեցակարգի գնահատման գործիքի չափիչ տիրույթներից բխող և միայն առաջնահերթ աշխատանքային հավելվածներ, հետադարձ կապի ապահովման գործիքակազմեր և ընթացակարգեր։ Մշակման ենթակա նշյալ փաստաթղթերի հստակ քանակ չի պահանջվում։
ԵՊԶ մոտեցմանը և երիտասարդական ծրագրերի գհահատման գործիքին ու դրա չափիչ տիրույթներին ծանոթանալու, ինչպես նաև պահանջվող փորձագիտական աշխատանքի ընթացքում դրանք կիրառելու նպատակով անհրաժեշտ հղումն

այստեղ

Մրցույթին մասնակցելու հիմնական պահանջներ․

• Հայեցակարգերի, ընթացակարգերի, հավելվածների, գնահատման գործիքակազմերի և այլ հարակից
  փաստաթղթերի մշակման ու ստեղծման փորձառություն
•  Հետազոտություններ, վերլուծություններ կատարելու հաստատված փորձառություն։
•  Հայերեն լեզվի գերազանց իմացություն
•  Սահմանված ժամկետներում աշխատանքն իրականացնելու պատասխանատվություն
•  Հաղորդակցման և թիմային համագործակցության հմտություններ
•  Համակարգչային համապատասխան ծրագրերով աշխատելու ունակություններ
  
  Դիմելու ընթացակարգը․
  Հետաքրքրված անձիք մրցույթին կարող են ներկայացնել հետևյալ փաստաթղթերը (հայերեն կամ անգլերեն).
  – մասնագիտական ինքնակենսագրություն,
  –հետաքրքրվածության նամակ՝ հակիրճ նշելով համապատասխան փորձառությունը և ծառայության մատուցման
  համար ակնկալվող վարձատրության չափը։
  –այլ փաստաթղթեր կամ նյութեր (ըստ ցանկության), նախկինում իրականացված համապատասխան
  գործունեությանն առնչվող աշխատանքներ կամ հղումներ, որոնք հաստատում են փորձառության
  համապատասխանությունը հայտի պահանջներին։

  ---

  Ժամկետները.
  Մրցույթի պահանջները բավարարող թեկնածուները կարող են մինչև 2024 թ. մարտի 07-ը, ուղարկել դիմումի փաթեթը info@yccd.am էլ. հասցեին՝ նամակի վերնագրում նշելով՝ «Փորձագետ/փորձագիտական խումբ» վերնագիրը:

  Ընտրության ընթացակարգը.
  Հայտերը կդիտարկվեն Ծրագրի թիմի կողմից և կարճ ցուցակում ընդգրկված ընտրված թեկնածուները կհրավիրվեն
  առցանց հարցազրույցի՝ ս․թ մարտի 09-ին, ժամը՝ 12․00-ից մինչև 15․00-ի միջակայքում։

Հավելյալ տեղեկատվություն ստանալու համար կարող եք գրել info@yccd.am էլ․ հասցեին, կամ զանգահարել ծրագրի ղեկավար Արարատ Ալիխանյանին՝ 093-31-67-48 կամ 091-72-79-41 հեռախոսահամարներին։

Մրցույթի արդյունքների մասին ընտրված թեկնածուին կտեղեկացվի 2024թ․ մարտի 12-ին:

Տեղեկատվություն հայտատուի համար․
ԵՊԶ/PYD  մոտեցումը ենթադրում է երիտասարդների ներգրավում իրենց ընտանիքների, համայնքների և/կամ կառավարությունների հետ՝ երիտասարդներին հնարավորություն տալով իրացնելու իրենց ամբողջ ներուժը։ ԵՊԶ մոտեցումները զարգացնում են հմտություններ, կարողություններ, ռեսուրսներ, աջակցում են առողջ փոխհարաբերությունների հաստատմանը, ամրապնդում են միջավայրը և վերափոխում համակարգերը։ 

«ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» «STRIVE» ծրագիրը համաֆինանսավորվում է Եվրոպական միության կողմից։ Այն իրականացնում է ՆԵՖ Բելգիան (NEF Belgium)՝ համագործակցությամբ չորս գործընկեր կազմակերպությունների.

• • • • • «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ,
        • «ԲԼԵՋԱՆ» բնապահպանական, սոցիալական, բիզնեսի աջակցության ՀԿ,
        • «ՎԻՆՆԵԹ Գորիս» զարգացման հիմնադրամ,
        • «Դիլիջանի երիտասարդների համագործակցության կենտրոն» ՀԿ:

STRIVE ծրագիրը նպատակ ունի բարելավել Հայաստանի ՔՀԿ-ների կայունությունը, հաշվետվողականությունը և նորարարության կարողությունները՝ հնարավորություն տալով նրանց առանցքային դեր ունենալ իրազեկության բարձրացման, ժողովրդավարության ամրապնդման գործում։