2025 թ-ի նոյեմբերի 1-ից մեկնարկած LEAD (Leadership, Entrepreneurship, Advancement, Development) Camp ծրագիրը նպատակ ունի խթանել Դիլիջան խոշորացված համայնքում տղամարդկանց և կանանց տնտեսական ակտիվությունը և ձեռնարկատիրական ներուժը։
8 ամիս տևողությամբ ծրագրի շրջանակում ընտրված 30 մասնակիցներ (15 կին, 15 տղամարդ) կանցնեն ձեռնարկատիրության և ֆինանսական գրագիտության եռամսյա ինտենսիվ դասընթացների շարք, կհանդիպեն հաջողակ գործարարների հետ, կմասնակցեն անհատական մենթորական ծրագրին և արդյունքում կկազմեն իրենց անհատական բիզնես ծրագրերը։
LEAD Cam-ի վերջին փուլը բիզնես գաղափարների ներկայացումն է(pitching), որի արդյունքում 30 մասնակիցներից 20-ը կստանա դրամաշնորհային աջակցություն՝ իր բիզնեսը մեկնարկելու կամ զարգացնելու համար։
Ծրագրի նպատակ
Նպաստել Տավուշի մարզի Դիլիջան խոշորացված համայնքում աղքատության նվազեցմանը և սոցիալ-տնտեսական կայուն զարգացմանը՝ տղամարդկանց և կանանց ձեռնարկատիրական կարողությունների ամրապնդման, ինքնազբաղվածության խթանման և կայուն եկամուտների ստեղծման միջոցով։
Ծրագիրը միտված է համայնքում տնտեսական ակտիվության բարձրացմանը, արտագաղթի գործոնների նվազեցմանը և գենդերային հավասարակշռված տնտեսական մասնակցության խթանմանը։
Գործողություններ
- Թիրախ խմբի ընտրություն
- Ձեռնարկատիրության և ֆինանսական գրագիտության կարողությունների զարգացում
- Մոտիվացիոն և փորձի փոխանակման հանդիպումներ
- Անհատական մենթորություն և բիզնես մոդելների կատարելագործում
- Բիզնես գաղափարների ներկայացում
- Դրամաշնորհային աջակցություն և մոնիթորինգ
Ակնկալվող արդյունքներ
- 30 շահառուներ բարձրացնում են իրենց ձեռնարկատիրական և ֆինանսական գրագիտության մակարդակը։
- Մշակվում և բարելավվում են 30 իրատեսական և շուկային համապատասխան բիզնես մոդելներ։
- Ստեղծվում կամ զարգացվում են 30 փոքր բիզնեսներ Դիլիջան խոշորացված համայնքում։
- Աճում է շահառուների ինքնազբաղվածության մակարդակը և ընտանիքների եկամուտների կայունությունը։
- Խթանվում է կանանց և տղամարդկանց հավասար տնտեսական մասնակցությունը և համագործակցային առաջնորդությունը։
- Ամրապնդվում է տեղական տնտեսական էկոհամակարգը և համայնքային դիմակայունությունը սոցիալ-տնտեսական մարտահրավերների նկատմամբ։